|
 Мәчетебезнең манарасын төзү эшләре бара. 2009 елның 6 һәм 15 октяберендә Уфа шәһәрендә мәчет төзү буенча чираттагы җыелышлар булып узды. Җыелышларда Сабай, Иске Шыгай, Түреш авылларыннан барлыгы 12 кеше катнашты. Әлегә безнең алда мәчетебезнең манарасын күтәреп бетерү эшләрен башкарып чыгару мәсьәләсе бик кискен тора.Бу эшне бетерер өчен сары (берсенең хакы 10 сум) һәм кызыл кирпеч кирәк. Кирпеч бетү сәбапле әлегә эшләр тукталды.
Манарадан артып калган сары кирпеч мәчетебезнең койма баганаларын төзергә кирәк булачак дип күздә тотыла. Манара төзелеп беткәч, эчке эшләргә күчергә кирәк (штукатурка, түбә тактасы, идәннәр, су, электр һәм җылылык кертү).
Ике җыелыш утырышларында килгән кешеләрдән барлыгы 90 мең сум акча җыелды. Үзләре киләлмәгән кешеләр акчаларын бүтәннәр аркылы җибәрделәр. Бигрәктә зур акчалата өлеш кертүчеләр арасында Иске Шыгай егете Гафаров Барис Барый улы һәм Сабай авылында туып үсеп, хәзер инде пенсиядә Уфада торучы 80 яшьлек Кагъбә әби Әхмәтшиналар (Сәгадатулла кызы) булды. Кагъбә әби Әхмәтшинаны аерым билгеләп үтәргә кирәк, чөнки ул үзенең күп тә булмаган пенсиясеннән гел дә мәчет төзелешенә акча кертеп тора.
Шушы кешеләргә авыл халкы исеменнән www.iskesabai.ru сәһифәсе чиксез зур рәхмәтен белдерә.
Җыелешта барлыгы 7784 сары кирпеч алырга карар кылынды. Җыелган акча барысыда Магнитогорск каласында урнашкан “Огнеупор” кирпеч заводына күчерелде. Кирпечне Магнитогорский каласыннан Хафизов Рауфан абый (Мәчетле районы) алып кайтачак. Хафизов Рауфан абый кирпеч алып кайткан өчен үзе акча сорамасада, җыелыштагы егетләр соляркага булсада аңа акча бирергә кирәк дигән фикергә килделәр. Аллаһ боерса, кирпеч 19-20 октяберләрдә Сабайга кайтып җитәчәк.
Авылдашларыбыз, дин кардәшләребез! Мәчет төзүдә актив катнашыгыз, хәлегездән килгәнчә ярдәм итәргә тырышыгыз, изге эшкә кушылыгыз, үз өлешегезне кертергә ашыгыгыз! Җыелышларыбыз һәр атнакич көнне Уфа шәһәрендә үткәрелә, килегез, көтәбез! Powered by AkoComment 2.0!
|
